लातूर: अहमदपुर शहरात सध्या होत असलेल्या पाणी पुरवठ्यात बदल करून दोन दिवसाला एक वेळा पाणी पुरवठा करावा या मुख्य मागणीसह इतर मागण्यांसाठी तलावात साजिदभाई मित्र-मंडळाच्या वतीने जलसमाधी आंदोलन करण्यात आले. अहमदपूर शहरातील कायमस्वरुपी पाणी पुरवठा योजना दोन वर्षात पुर्ण होणे अपेक्षित असताना 4 वर्षे होऊनही पाणी पुरवठा योजनेचे काम पुर्ण झालेले नाही. (Jalasamadhi agitation jumping into the lake to demand regular water supply)

हे देखील पहा -

शहरामध्ये जलवाहिनीसाठी खोदलेले रस्ते दुरूस्ती करावे, नळ जोडणी मोफत देण्याची तरतुद असुन सुध्दा दोन ते अडीच हजार रुपये प्रत्येकी कनेक्शनला घेतले जात आहेत. जुन्या गावामध्ये पाईपलाईन टाकलेली नाही. या मागण्यांसाठी वाकी नदीच्या साठवण तलावात करण्यात आलेल्या  जलसमाधी अंदोलनात मंडळाचे अध्यक्ष साजिद सय्यद यांच्यासह इतर वीस ते पंचवीस जणांनी पुलावरून साठवण तलावात उडी घेतली. दरम्यान मागण्या मान्य करण्याचे आश्वसन प्रशासनाच्या वतीने देण्यात आल्याने आंदोलक पाण्याबाहेर आले.

Edited By - Akshay Baisane