Nashik News :

इस्राइल - हमास युद्धाची झळ आता महाराष्ट्रापर्यंत पोहोचली आहे. हे युद्ध अद्याप थांबण्याची चिन्हे नाहीत. गेल्या काही महिन्यांपासून हा संघर्ष पेटलेलाच आहे. अख्ख्या जगाची यात काहीअंशी होरपळ सुरू आहे. महाराष्ट्रातील नाशिकच्या शेतकऱ्यांनाही या युद्धाचा तडाखा बसला आहे.

सुएझ कालव्यामुळे युरोप व आशिया या दोन खंडांदरम्यान जलद सागरी वाहतूक शक्य झाली आहे. मात्र इस्राइल-हमास युद्धाचा परिणाम सागरी वाहतुकीवर झाला आहे. (Nashik News)

आधीच दुष्काळ, अवकाळी पाठोपाठ इस्राइल-हमास युद्धामुळे शेतकऱ्यांची अडचणी वाढताना दिसत आहे. इस्राइल-हमास युद्धाचा परिणाम द्राक्ष निर्यातीवर होताना दिसत आहे. इस्राइल-हमास युद्धामुळे द्राक्ष निर्यातीला ब्रेक लागला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

लाल समुद्रामधून सुएझ कालव्याला जोडण्यासाठी सर्वात सोयीस्कर असलेल्या गाझापट्टी मार्गावर अतिरेक्यांनी केलेल्या हल्ल्यामुळे जहाज वाहतूक बंद आहे. अतिरेक्यांच्या वाढत्या हल्ल्यामुळे सुएझ कालवा आणि लाल समुद्रातील वाहतूक बंद झाल्याने द्राक्ष निर्यातीची जहाजं कंपन्यांनी थांबवली आहेत.

नवीन केप ऑफ गुड होपमार्गे द्राक्ष निर्यातीसाठी ३४ ते ३८ दिवस लागणार आहेत. तसेच वाहतूक खर्चात मोठी वाढ होणार असल्याने तूर्तास जहाज कंपन्यांनी वेट अँड वॉचची भूमिका घेतली आहे. परिणामी द्राक्ष निर्यात थांबल्याने द्राक्ष खराब होऊन मोठा आर्थिक फटका शेतकऱ्यांना बसण्याची शक्यता आहे.