विनायक वंजारे

सिंधुदुर्ग: कोल्हापूरहून (Kolhapur) मालवणच्या दिशेने मुंबई(Mumbai)- गोवा (Goa) महामार्गावरून जाणाऱ्या इनोव्हा कारने (car) जानवली येथे एका गॅरेज जवळ उभ्या असलेल्या लक्झरीला जोरदार धडक दिली आहे. यामुळे झालेल्या अपघातात (accident) इनोव्हा कारमधील ९ प्रवासी किरकोळ जखमी झाले आहेत. हा अपघात सकाळी ९.३० वाजेच्या दरम्यान घडला आहे. (Innova car and luxury Terrible accident near Janwali)

हे देखील पहा-

अपघाताची माहिती समजताच स्थानिकांनी अपघातस्थळी धाव घेत जखमींना तत्काळ कणकवली (Kankavli) उपजिल्हा रुग्णालयात (hospital) उपचाराकरिता दाखल करण्यात आले आहे. याविषयी मिळालेल्या अधिक माहितीनुसार की, इनोव्हा कार मधील प्रवासी हे कोल्हापूर (Kolhapur) वरून मालवणच्या दिशेने जात होते.

कणकवली नजीक जानवली येथे मारुती सुजूकी शोरूम दरम्यान इनोव्हा कार चालकाचा गाडीवर असलेला ताबा सुटून एका गँरेज समोर उभ्या असलेल्या लक्झरीला जोरदार धडक दिली आहे. यामध्ये इनोवा कारचा दर्शनी भाग मागच्या सीट पर्यंत येऊन पूर्णता चक्काचूर झाला आहे. या अपघातानंतर कणकवली पोलिस (Police) घटनास्थळी दाखल झाले असून पंचनाम्याचे काम सुरू आहे. या प्रकरणाचा अधिक तपास कणकवली पोलीस करत आहेत.

Edited By- Digambar Jadhav