जालना: सुप्रसिद्ध किर्तनकार ह.भ.प. पुरुषोत्तम देशमुख इंदोरीकर महाराज यांच्या काळ्या रंगाच्या स्कॉर्पिओ कारला परतूर शहरात रात्री किर्तनासाठी जात असताना अपघात झाल्याची घटना घडली आहे. इंदोरीकर महाराज (Indorikar Maharaj Car Accident News) रात्री आपल्या काळ्या रंगाच्या स्कॉर्पिओ कारने परतूर तालुक्यातील खांडवीवाडी या गावी कीर्तनासाठी जात असतांना शहरातील साईनाथ कॉर्नर जवळ हॉटेल मधूबन समोरील लाकडाने भरलेल्या रस्ताक्रॉस करणाऱ्या एका ट्रॅक्टरवर महाराजांची कार जाऊन आदळली.

हा अपघात झाला असल्याची माहिती समोर आली आहे. या अपघात इंदोरीकर महाराजांना कोणतीही प्रकारची इजा झाली नाही मात्र त्यांच्या स्कॉर्पिओ कारचा चालक जखमी झाल्याने त्याला उपचरासाठी परतूर पोलिसांनी तात्काळ शहरातील अस्थीरोग तज्ञ डॉ.सत्यानंद कराड यांच्या सिटी हॉस्पिटलमध्ये दाखल करत, महाराजांना दुसऱ्या वाहनांनी किर्तनासाठी खांडवीवाडी गावाकडे रवाना केले असल्याची माहिती समोर आली आहे.

Edited By: Pravin Dhamale