मंगेश कचरे

Indapur Gopichand Padalkar News:

भाजप आमदार गोपीचंद पडळकर यांच्यावर झालेल्या चप्पलफेक प्रकरणी मोठी अपडेट समोर आलीये. भाजपाचे नेते गोपीचंद पडळकर यांच्यावर चप्पलफेक करणाऱ्या अज्ञात आंदोलकांवर गुन्हे दाखल करण्यात आलेत. १० ते १५ आंदोलकांवर गुन्हे दाखल झाले आहेत.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नेमकं काय घडलं होतं?

पुण्यातील (Pune) इंदापुरात ओबीसी एल्गार मेळाव्यानंतर उपोषणाला बसलेल्या कार्यकर्त्यांना गोपीचंद पडळकर (Gopichand Padalkar) भेटण्यासाठी गेले होते. त्यावेळी त्यांच्यावर ही चप्पलफेक झाली होती. पुण्यात आंदोलकांनी चप्पलफेक केल्यानंतर यावरून राजकीय वातावरण देखील बरंच तापलं. या घटनेनंतर काही ठिकाणी आंदोलन देखील करण्यात आलं.

आमदार गोपीचंद पडळकर यांच्यावर झालेल्या चप्पल फेकीच्या हल्ल्याच्या निषेधार्थ धनगर समाज आक्रमक झाला होता. चप्पल फेकीच्या या घटनेमुळे काहीकाळ जालना शहरामध्ये तणावाचे वातावरण निर्माण झाले होते.

अंबड -पैठण महामार्गावर टायर जाळून रास्तारोको

या घटनेचे पडसाद काल अंबडमध्येही उमटले. रविवारी सकाळी शिरनेर गावात अंबड -पैठण महामार्गावर टायर जाळून रस्ता रोको आंदोलन करत धनगर समाजाच्या वतीने जाहीर निषेध व्यक्त करण्यात आला. अंबड- पैठण महामार्गावरील शिरनेर गावात धनगर समाजाचे कार्यकर्ते आक्रमक झाल्याचे पाहायला मिळाले. यावेळी कार्यकर्त्यांनी जोरदार घोषणाबाजी करत रस्त्यावर टायर जाळून रास्तारोको केल्याने काही काळ या परिसरात वाहतूक ठप्प झाली होती.