कोरोनाच्या भयंकर आठवणी आजही मनात ताज्या आहेत, त्यात झिका व्हायरसनं टेन्शन वाढवलंय. राज्यभरात झिका हातपाय पसरू लागलाय. झिकाने थैमान घातलंय. पुण्यातून याची सुरुवात झालीये. झिकाची लागण एखाद्या व्यक्तीला झाली तर त्याची लागण इतरांना होतेय. त्यामुळे झिकाकडे दुर्लक्ष केलं तर जीवावरही बेतू शकतं. यात सर्वात मोठा धोका आहे तो म्हणजे महिलांना.

धक्कादायक बाब म्हणजे गर्भवती महिलेला झिका झाल्यास तिच्या बाळावरही गंभीर परिणाम होऊ शकतात. तर गर्भवती महिलांनाही झिकाचा धोका आहे.. लहान मुलं, वयोवृद्धांनी झिकापासून सावध राहण्याची गरज आहे. झिका झालाय हे कसं ओळखायचं, हे जाणून घेऊ...

झिका व्हायरसची लक्षणे काय?

• सांधे दुखी, डोकेदुखी, ताप

• डोळ्यांच्या बुबुळाच्या पुढील भागाचा होणारा दाह किंवा लाल डोळा

• पुरळ, स्नायूंमध्ये वेदना

• संसर्गाची लक्षणे एक आठवडा टिकू शकतात

• अनेकांना संसर्ग झाल्याचे समजत नाही

ही झिकाची लक्षणं आहेत. यातील एक जरी लक्षण आढळलं तर डॉक्टरांचा सल्ला घ्या. कारण पावसाचे दिवस आहेत. रोगराई पसरतेय, त्यात दुर्लक्ष झालं तर झिकाचे परिणाम गंभीर होऊ शकतात.

झिकाला रोखण्यासाठी काय करायला हवं? झिकापासून कसा कराल बचाव?

• झिकावर अद्याप कोणतीही लस नाही

• झिकाचा प्रसार रोखण्यासाठी डासांची पैदास रोखा

• औषधांची फवारणी करावी

• घाण पाणी,कचरा साचू देऊ नका

देशभरात 66 शहरात झिका आढळल्यानं आरोग्य विभाग अलर्ट झालंय. झिका कुणालाही होऊ शकतो. लहानग्यांपासून वृद्धांपर्यंत याचा सर्वाधिक धोका गर्भवतींना असल्याने घरात गर्भवती महिला असल्यास अधिक काळजी घ्या. सावध राहा, सतर्क राहा...