भूषण अहिरे

धुळे : धुळ्यात रात्रीच्या वेळी पादचाऱ्यांना लुटण्याच्या घटनांमध्ये दिवसेंदिवस वाढ होत असताना, धुळे शहरातील लोकमान्य हॉस्पिटल जवळील चौकामध्ये पायी चालणाऱ्या युवकाच्या हातातून पैशांची बॅग हिसकावून चोरट्याने पोबारा केल्याची घटना उघडकीस आली आहे. In Dhule, thief snatched a bag of money

धुळे शहरातील भंगाराच्या व्यापाऱ्याने मालेगाव येथून आपली पाच लाख पंधरा हजारांची रक्कम आपल्याकडे कामावर असलेल्या साबीर खाटीक या नोकराच्या माध्यमातून मागवली असता मालकाने सांगितल्याप्रमाणे साबीर खाटीक याने पाच लाख पंधरा हजार रुपयांची रक्कम मालेगाव येथून ट्रॅव्हल बस मधून आणली होती. शहरातील लोकमान्य हॉस्पिटलच्या चौकात अज्ञात चोरट्याने लक्ष ठेवून अंधाराचा फायदा घेत रात्री साडे अकरा वाजेच्या सुमारास झडप टाकून पैशांची बॅग हिसकावून पोबारा केला आहे.

याबाबत आझाद नगर पोलीस ठाण्यामध्ये तक्रार देण्यात आल्यानंतर पोलिसांनी रात्री चोरट्याचा शोध घेतला. परंतु, अद्याप हा भामटा चोर पोलिसांना सापडला नसून अज्ञात चोरट्याविरुद्ध आझादनगर पोलीस ठाण्यात गुन्हा नोंदविण्यात आला असून पुढील तपास सुरु आहे.

Edited By : Krushnarav Sathe