अकोला : शहरातील एका युवकाने घरात गळफास घेऊन आत्महत्या केली. या प्रकरणात शिवसेनेचे शहर उपप्रमुख यांच्यासह तिघांवर जुने शहर पोलिस ठाण्यात गुन्हा दाखल करण्यात आला आहे. यामध्ये शिवसेना शहर उपप्रमुख योगेश अग्रवाल आणि सुशील दांदळे यांना अटक करण्यात आली आहे. तर विशाल पुरोहित हा फरार झाला आहे.

हे देखील पहा -

जुने शहरातील जयहिंद चौक परिसरात अल्पेश अरविंद उपाध्याय हा राहतो. अल्पेश हा योगेश अग्रवाल, सुशील दांदळे आणि विशाल पुरोहित यांच्याशी संपर्कमध्ये नेहमीच होता. त्यांच्यामध्ये पैशांचा व्यवहार असल्याचे पोलिस तपासात समोर आले आहे. त्यामुळे त्यांच्यात या कारणावरून वाद ही झाले होते. हे तिघे अल्पेश यास त्रास देत होते. त्यामुळे त्याने आपल्या राहत्या घरात गळफास घेऊन आत्महत्या केली.

त्याने आत्महत्येपूर्वी एक चिठ्ठी लिहून ठेवली आहे. त्या चिठ्ठीत त्याने 'योगेश अग्रवाल, सुशील दांदळे आणि विशाल पुरोहित यांची नावे लिहली आहेत. कोरोना के कारण उपरवालोके प्रेशर के कारण मै ये गलत काम कर रहा हु, जय गजानन. मैने सबकी हेल्प की. पर मेरे बुरे समय मे कोई साथ नही आया' असे नमूद केले आहे.

याप्रकरणी सोमवारी रात्री उशिरा गुन्हा दाखल करण्यात आला आहे. यामध्ये पोलिसांनी योगेश आणि विशाल या दोघांना अटक केली आहे. यातील तिसरा आरोपी अद्यापही फरार आहे. पुढील तपास जूने शहर पोलिस निरीक्षक श्रीरंग सणस करत आहेत.

Edited By : Krushnarav Sathe