मुळात या वादाचा केंद्रबिंदु होता.. उत्तर प्रदेशातील कानपुरमधील सय्यद नगर.. 4 सप्टेंबरला बारावफातच्या मिरवणुकीत पहिल्यांदा आय लव्ह मोहम्मद' लिहिलेले पोस्टर पाहायला मिळाले. त्यानंतर परवानगीशिवाय मिरवणूक आणि पोस्टर लावल्यानं पोलिसांनी धक्काबुक्की करणाऱ्यांना अटक केली.. मुळात विरोध बॅनरला नसून धार्मिक कार्यक्रमाचा तंबू परवानगीशिवाय उभारल्यानं ही कारवाई करण्यात आली, असं पोलिसांनी सांगितलं आणि तिथूनच वादाला सुरुवात झाली.

त्यातच आता महाराष्ट्रात आय लव्ह मोहम्मदला प्रत्युत्तर म्हणून 'आय लव्ह महादेव'ची बॅनरबाजी सुरु झालीय.. त्यामुळे या दोन्ही घोषणांवरून राजकारण चांगलचं पेटलयं... M फॉर महादेव, M फॉर महाराष्ट्र, असं म्हणत मंत्री नितेश राणेंनी टीका केलीय.. तर आय लव्ह मोहम्मद लिहण्यात गैर काय? असा सवाल अबू आझमींनी विचारलाय...

आय लव्ह मोहम्मद म्हणत उत्तरप्रदेश, उत्तराखंड, गुजरात, तेलंगणा, महाराष्ट्रात मोर्चे काढून पोलिसांनी केलेल्या कारवाईचा निषेध करण्यात आलाय. तर जागोजागी आय लव्ह मोहम्मद असे बॅनर झळकल्यानं त्याला उत्तर म्हणून I LOVE MAHADEV चे बॅनरही आता जोरदारपणे झळकावले जात आहेत.. मात्र या बॅनरबाजीमुळे समाजातील अधिक तणाव निर्माण होणार नाही या दृष्टीनं सरकारनं वेळीच पावलं उचलणं गरजेचं आहे...