कोल्हापूर : छत्रपती संभाजीराजेंच्या राज्यसभा उमेदवारीचा सस्पेन्स आता आणखी वाढला आहे. मुख्यमंत्र्यांसोबत आमची चर्चा झाली आहे आमचं ठरलं आहे. असं संभाजीराजे छत्रपती यांनी पत्रकारांना सांगितलं आहे. काही क्षणातच संभाजीराजे छत्रपती हे कोल्हापूर येथून मुंबईच्या दिशेने रवाना होणार आहे. तर दुसरीकडे दोन्ही उमेदवार शिवसेनेचेच असतील असं संजय राऊत यांनी म्हटलं आहे. त्यामुळे आता शिवसेनेचे उमेदवार म्हणून संभाजीराजे छत्रपती यांची उमेदवारी जाहीर होण्याची शक्यता आहे. मात्र, असं असून सुद्धा ते शिवसेनेत प्रवेश करणार नाही अशीही माहिती समोर आली आहे.