सोलापुर : साेलापूरातील (solapur) अंबिका नगर नक्का वस्ती येथील राहत्या घरात पत्नीला मारहाण करून हाकलून दिल्यानंतर स्वतःच्या घराला (house) पतीने आग (fire) लावल्याचा प्रकार समोर आला आहे. याबाबतची माहिती परिसरातील नागरिकांनी साम टीव्हीशी बाेलताना दिली. (solapur latest marathi news)

श्यामसुंदर भंडारी असं घर पेटवून देणाऱ्याचे नाव आहे. घरातील गॅसच्या टाकीचा स्फोट झाल्याने आग माेठ्या प्रमाणात धुमसत होती. या आगीत घरातील सर्वच प्रापंचीक साहित्य जळून खाक झालं असून जवळपास दोन लाखांचे नुकसान झाले आहे अशी प्राथमिक माहिती उपलब्ध झाली आहे.

अग्निशामक दलाच्या गाड्या तत्काळ दाखल झाल्याने आग आटोक्यात आणण्यात यश आले आहे. त्यामुळे मोठी दुर्घटना होताना टाळली. दरम्यान कुटुंबातील वादातून हा प्रकार भंडारी याने केल्याची माहिती परिसरातील नागरिकांनी दिली.

Edited By : Siddharth Latkar