राजेश भोस्तेकर

रायगड - जिल्ह्यातील मुबंई (Mumbai) गोवा महामार्गावर कोलाड खांब येते एका घरात भरधाव मालवाहू कंटनेर घुसल्याने मोठा अपघात (Accident) घडला असून या घटनेत घरातील कुटूंब थोडक्यात बचावले आहे. काल 3 मार्च रोजी रात्रीच्या सुमारास ही घटना घडली. मुबंई गोवा (Goa) महामार्गावर माणगाव कोलाडकडून नागोठणेच्या दिशेने जाणारा भरधाव मालवाहू कंटनेर चालकाचा खड्यामूळे कंटेनर वरील ताबा सुटला. कंटेनरचा ताबा सुटल्याने मार्गालगत असलेल्या वस्तीमधील चेतन मेहता व प्रवीण भानत यांच्या घरात कंटेनर घुसला. त्यामुळे एकच गोंधळ उडाला.

हे देखील पहा -

घरातील कुटूंब या अपघाताने थोडक्यात बचावले आहेत तर चालक गंभीर जखमी झाला आहे. नागोठणे ते कोलाड दरम्यान मोठ मोठे खड्डे असल्यामुळे वारंवार अपघात होत आहेत. या घटनेची माहिती मिळताच कोलाड पोलीस घटनास्थळी पोहचले असून जखमी झालेल्या उपचारासाठी अलिबाग जिल्हा सामान्य रुग्णालयात हलविण्यात आले आहे. चालकाची अद्याप ओळख पटलेली नसल्याची माहिती कोलाड पोलीस ठाण्याचे उपनिरीक्षक जाधव यांनी दिली आहे.