हिंगोली : कामानिमित्ताने परदेशात गेलेल्या हिंगोलीच्या एका नागरिकाचा दुबईमध्ये मृत्यू झाला आहे. जाधव यांच्या मृत्यूची बातमी आई व कुटुंबीयांना देण्यात आली. मुलाचा मृत्यू झाल्याची बातमी समजताच आईला मोठा धक्का बसला आक्रोश केला. तसेच आपल्या मुलाला लवकर पाहता यावं; यासाठी दिलीप जाधव यांच्या आईने आता केंद्र शासनाला विनंती केली आहे.  

हिंगोली (Hingoli) जिल्ह्यातील कळमनुरी तालुक्यात असलेल्या भटसावंगी गावातील तांडा परिसरातील रहिवाशी दिलीप मंगु जाधव (वय ४३) असे मृत्यू झालेल्या व्यक्तीचे नाव आहे. दुबईतील जबेलअलि भागात जाधव यांचा मृत्यू झाला आहे. मात्र हा मृत्यू कशामुळे झाला? हे अद्याप स्पष्ट झाले नसून पोलीसांचा अहवाल आल्यानंतर मृत्यू झाल्याचे नेमके कारण समोर येणार आहे. दरम्यान भारताचे (Dubai) दुबईतील दुतावास पवन यादव यांच्याशी संपर्क झाला त्यांनी हि माहिती दिली आहे. या घटनेमुळे हिंगोली जिल्ह्यासह दिलीप जाधव यांच्या गावावर शोककळा पसरली आहे. 

आईची सरकारला विनंती 

मराठवाड्याच्या हिंगोली जिल्ह्यातील दिलीप जाधव यांचा दुबईमध्ये मृत्यू झाल्याची घटना घडली आहे. मुलाच्या मृत्यूची बातमी समजताच आईने एकच आक्रोश केला. तसेच आपल्या मुलाला पाहायचे आहे, मुलाचा मृतदेह लवकर आणून ताब्यात देण्याची विनंती आईने सरकारला केली आहे.