हिंगोली : मराठवाड्यात शेतकऱ्यांना वेळेवर खते मिळत नसल्याच्या अनेक तक्रारी पुढे आल्या आहेत. मात्र आता हिंगोलीत (Hingoli) खतांचा काळा बाजार उघडकीला आला आहे. चक्क किराणा दुकानातून खतांचा (Fertiliser) काळाबाजार सुरू असल्याचा प्रकार उघडकीस आला आहे. (Maharashtra News)

हिंगोलीच्या सेनगाव तालुक्यातील हाताळा गावात स्वाभिमानी शेतकरी संघटनेच्या पदाधिकाऱ्यांनी मोबाईल कॅमेऱ्यात हा संपूर्ण प्रकार कैद केला आहे. हनुमान कृषी केंद्र नावाने परवाना असलेला हा खत विक्रेता संपूर्ण कारभार किराणा दुकानातून चालवत असल्याचे स्पष्ट
झाले आहे. 

ठोस कारवाई नाही 

कृषी विभागाच्या अधिकाऱ्यांनी आता या दुकानदाराला नोटीस देऊन लेखी खुलासा सादर करण्याचे आदेश दिले आहेत. मात्र या प्रकरणात कृषी अधिकाऱ्यांनी कोणतीही ठोस कार्यवाही केली नसल्याने स्वाभिमानी शेतकरी संघटनेने आंदोलनाचा इशारा दिला आहे.