Hingoli Crime News: हिंगोलीमधून धक्कादायक घटना समोर आली आहे. मित्रांसोबत शिकारीला गेलेल्या तरुणाचा विजेचा धक्का लागून मृत्यू झाल्याची घटना हिंगोलीच्या कुरुंदा शिवारात घडली. धक्कादायक म्हणजे घटनेनंतर मृतदेह लपवण्यासाठी त्याच्या मित्रांनीच मृतदेह विहिरीत फेकला. या घटनेने परिसरात एकच खळबळ उडाली आहे.

याबाबत सविस्तर माहिती अशी की, नवनाथ कांबळे हा अल्पवयीन मुलगा आपल्या मित्रांसोबत जंगलात शिकारीला गेला होता. जंगलात फिरत असताना त्याचा विजेचा धक्का लागून दुर्देवी मृत्यू झाला. घडलेल्या घटनेने त्याच्या सोबत असलेले मित्र चांगलेच घाबरुन गेले.

ही घटना लपवण्यासाठी या मुलांनी मृत नवनाथ कांबळेच्या मृतदेहाला दगड बांधून तो एका विहिरीत फेकून दिला. मात्र या घटनेचा उलघडा झाल्यानंतर मुलांचे हे क्रूर कृत्य समोर आले. या घटनेने परिसरात एकच खळबळ उडाली आहे. (Hingoli News)

या प्रकरणी नवनाथ कांबळे याच्या मित्रांविरोधात कुरुंदा पोलीस ठाण्यात गुन्हा दाखल करण्यात आला आहे. तसेच दोघांना ताब्यात घेण्यात आले आहे. कर्त्या मुलाचा दुर्देवी मृत्यू झाल्याने कुटूंबावर शोककळा पसरली आहे. (Latest Marathi News)