सोलापूर - चित्रा नक्षत्रात पावसाने दमदार बॅटिंग केल्याने सोलापूर Solpaur जिल्ह्यातील बार्शी Barshi तालुक्यातील सर्वात मोठा असलेला हिंगणी Hingani Dam मध्यम प्रकल्प सलग दुसऱ्या वर्षीही ओव्हरफ्लो झाला आहे. यामुळे शेतकऱ्यांमधून समाधान व्यक्त केलं जात आहे. 'हिंगणी धरण' ओव्हरफ्लो Overflow झाल्यामुळे बार्शी तालुक्यातील तब्बल 30 गावांचा पाण्याचा प्रश्न मिटला आहे.

हे देखील पहा -

1972 च्या दुष्काळात बांधलेल हिंगणी धरण पूर्ण क्षमतेने भरून वाहत असल्याने भोगावती नदीला महापूर आला आहे.हिंगणी येथील जुना दगडी पूल पाण्याखाली गेल्याने वैराग-मळेगाव वाहतूक ठप्प झाली आहे. तसेच पिंपरी गावचा संपर्क तुटला आहे.

धरण भरल्याने एकीकडे शेतकरी समाधानी झाला असला तरी शेतातील काढणीला आलेलं सोयाबीन, उडीद,कांदा आणि इतर पालेभाज्या,फळ बागांचे अतोनात नुकसान झाल्याने शेतकऱ्यांची अवस्था 'कही खुशी कही गम' अशी झाली आहे. धरणाच्या पाणीपातळीत वाढ सुरू असल्याने प्रशासनाने भोगावती नदी काठच्या गावांना सतर्कतेचा इशारा दिला आहे.

Edited By - Shivani Tichkule