शिर्डीतील साईबाबांच्या मूर्तीवरून पुन्हा एकदा वाद उफाळून आलाय. हिंदूसेनेचे संत युवराज महाराज यांचा साईबाबांसंदर्भातील वादग्रस्त व्हिडिओ व्हायरल झालाय. यात युवराज महाराजांनी साईबाबांची मूर्ती हटवण्याबाबत वादग्रस्त विधान केलयं.

दरम्यान साईबाबांसंदर्भात याआधीही वादग्रस्त विधान करण्यात आलेत. 2014 ला शंकराचार्य स्वरूपानंद सरस्वती यांनी साई बाबांना "देव मानणं चुकीचं आहे, असं विधान केलं होतं. तर 2024 मध्ये काशीतील 14 मंदिरांमधून साईबाबांच्या मूर्ती हटवण्यात आल्या होत्या. याविरोधात साईभक्तांनी संताप व्यक्त केला होता. त्यात हिंदूसेनेच्या युवराज महाराजांच्या विधानानंतर आता

साईसंस्थानकडून त्यांच्याविरोधात गुन्हा दाखल करण्याची प्रक्रिया सुरू झालीय

साईबाबांबददल युवराज महाराज बरळल्याने साईभक्तांमध्ये संतापाचं वातावरण आहे. आता याप्रकरणी त्यांच्यावर काय कारवाई होणार या कडे साईभक्तांचं लक्ष लागलयं