विनोद जिरे

बीड - पश्चिम महाराष्ट्रासह Maharashtra कोकणात Kokan निर्माण झालेल्या पूर परिस्थितीमुळे, हजारो कुटुंब उद्ध्वस्त झाले आहे. शेकडो जणांना आपला जीव गमवावा लागला आहे. यामुळे येथील नागरिकांना एक ना संकटाचा सामना करावा लागत आहेत. यामुळे पूरग्रस्त नागरिकांच्या मदतीसाठी भाजप नेत्या पंकजा मुंडे Pankaja Munde यांनी, आज परळीत मदतफेरी काढली होती.

हे देखील पहा -

यावेळी पंकजा मुंडे म्हणाल्या, की परळीकरांनी नेहमी मला भरभरून प्रेम दिले आहे. आजही त्यांनी भरभरून मदत केली आहे. एकीकडे राजकारणात जातीयतेचा रंग असताना, दुसरीकडे पूरग्रस्तांच्या मदतीसाठी जातीपाती विसरून, जातीपाती धर्माच्या पलीकडे नागरिकांनी मदतीसाठी हात पुढे केले आहेत. प्रत्येकांनी तिथे जाऊन फोटो काढून बाईट देण्यापेक्षा अशी मदत करावी असा सल्ला देखील भाजप नेत्या पंकजा मुंडे यांनी दिला आहे.

राज्यातील कोल्हापूर, सांगली, सातारा, रत्नागिरी, चिपळूण ,महाड आदी भागात नुकत्याच झालेल्या महापुरामुळे हजारो लोक बेघर झाले असून जिवित व मालमत्तेचे मोठया प्रमाणावर नुकसान झाले आहे. या घटनेमुळे संपूर्ण महाराष्ट्र हादरून गेला आहे.

अशा संकटात लोकांना आज मदतीची गरज आहे, त्यामुळे वाढदिवसाच्या कार्यक्रमांवर होणारा खर्च टाळून पूरग्रस्तांना वस्तू स्वरूपात मदत करण्याचा निर्णय भाजपाच्या नेत्या पंकजा मुंडे यांनी घेतला आहे. त्यामुळं आज पंकजा मुंडे स्वतःहा परळीतील रस्त्यावर येत, शहरातील स्टेशन रोड, टाॅवर मार्गे गणेशपार पर्यंत मदतफेरी काढली.

Edited BY - Shivani Tichkule