Akola News : सर्वोच्च न्यायालयाने स्थापन केलेल्या रस्ता सुरक्षा समितीच्या निर्देशानुसार व उप प्रादेशिक परिवहन अधिकारी जयश्री दुतोंडे यांच्या आदेशानुसार या वर्षात नागरिकांना हेल्मेट सक्तीचे करण्यात आले आहे.

आरटीओने शहरात (akola) मोहीम राबवून विना हेल्मेट दुचाकी चालविणाऱ्यांविरुद्ध धडक कारवाई केली. आरटीओने 42 चालकांवर कारवाई करून दंड ठोठावण्यात आला. उपप्रादेशिक परिवहन अधिकारी जयश्री दुतोंडे यांच्या आदेशानुसार अकोला शहरातील कौलखेड चौक, गोरक्षण रोड, पातूर रोड यासह इतर ठिकाणी हेल्मेट मोहीम राबविण्यात आली.

या मोहिमेअंतर्गत 60 वाहनांची (vehicles) तपासणी करण्यात आली. यात दोषी आढळलेल्या 42 वाहन मालकांवर कारवाई करून समुपदेशन करण्यात आले.

Edited By : Siddharth Latkar