Nashik Rain News : नाशिक जिल्ह्यात बुधवारी रात्री तसेच गुरुवारी मुसळधार पाऊस (rain) झाला. या पावसामुळं गोदावरीचं पात्र भरुन वाहू लागलं हाेते. सिन्नर (sinnar) तालुक्यात देखील माेठा पाऊस झाला. त्यामुळं येथील शेतीचे माेठं नुकसान झालं आहे. रस्त्यांवरील पाण्यामुळे सर्वत्र गाठ आणि चिखल साठला आहे.

सिन्नर तालुक्यात ढगफुटी सदृश्य पावसानं शेतकऱ्यांचं मोठं नुकसान झाले आहे. अनेक ठिकाणी शेतात पुराचं पाणी शिरल्याने उभ्या पिकांचं पूर्णपणे नुकसान झाले आहे. अनेक ठिकाणी पिकांसह शेत जमीन वाहून गेल्याने शेतकरी हवालदिल झाले आहेत. काही ठिकाणी बंधारे तुडुंब भरल्याने बंधाऱ्याचे पाणी शेतात शिरलं आहे. शासनाने आम्हांला मदत करावी अशी मागणी शेतकऱ्यांनी केली आहे.

पावसामुळे आलेल्या पूरामुळं सिन्नर शहरातील दुकानांमध्ये पाणी शिरलं. त्यामुळे व्यावसायिक हतबल झाले हाेते. एका स्टेशनरी दुकानदरानं दुकानामधील सर्व वह्या, पुस्तके तसेच कागद भिजले असं सांगितलं. संबंधित दुकानदाराने पाच लाख रुपयांचे नुकासन झाल्याचे सांगितलं. अन्य एका दुकानदारानं दुकानात पाणी शिरल्यानं 99 टक्के माल भिजल्यानं हजाराे रुपयांचे नुकसान झाल्याचे नमूद केले.

Edited By : Siddharth Latkar