नांदेड : नांदेड (nanded) जिल्ह्यात हळदीच्या कुकरचा (haldi cooker) स्फोट (explode) होऊन एक तरुण शेतकरी ठार झाला तर चार जण जखमी (injured) झाले आहेत. मुखेड (mukhed) तालुक्यातील गुंडोपंत दापका या ठिकाणी ही धक्कादायक घटना घडली. (mukhed latest marathi news)

सुनिल मारकवाड असं मृत्यू झालेल्या तरुण शेतकऱ्याचं नाव आहे. या घटनेत अनिता दापकेकर, ओम दापकेकर, बळीराम बाऱ्हाळी हे तिघे गंभीर जखमी झाले आहेत. जखमींवर उदगीरच्या खाजगी रुग्णालयात उपचार सुरू आहे.

हळद शिजवत असताना कुकरमधून पाणी बाहेर येत असल्याने कुकरचा वाॅल तपासत असताना स्फोट झाला. हा स्फोट एवढा भिषण होता की कुकर फुटून हजार फुट दुरवर फेकला गेला. या घटनेमुळे गावात हळहळ व्यक्त केली जात आहे.

Edited By : Siddharth Latkar