- नवनीत तापडिया

Aurangabad : धनुष्यबाण (dhanushyabaan) आणि शिवसेना (shivsena) खरेदीसाठी दाेन हजार कोटी रुपयांची डील झाली असा गौप्यस्फोट संजय राऊत (sanjay raut) यांनी केला होता. यावरून आता पाणीपुरवठा मंत्री गुलाबराव पाटील (gulabrao patil) यांनी संजय राऊत यांच्यावर निशाणा साधला आहे. झालं ना आता सगळं, संजय राऊत यांनाच विचारा डिल झालेले पैसे कुठे ठेवलेत, नोटा किती होत्या असा निशाणा गुलाबराव पाटील यांनी साधला आहे.

पाणीपुरवठा मंत्री गुलाबराव पाटील आज औरंगाबाद (aurangabad) विमानतळावर दाखल झाले. यावेळी त्यांच्याशी माध्यमांनी संवाद साधला. मंत्री गुलाबराव पाटील म्हणाले पाणीपुरवठा संदर्भात अनेक तक्ररी आहेत त्या ऐकून निकाली काढण्यात येतील. तसेच जे काम करत नसतील त्यांना सुट्टी देण्यात येईल असा इशारा मंत्री पाटील यांनी कामचुकार कर्मचारी आणि अधिकारी यांना दिला.

खासदार संजय राऊत यांच्या वक्तव्यावर पाणीपुरवठा मंत्री गुलाबराव पाटील म्हणाले संजय राऊतांनाच विचारा डिल झालेले पैसे कुठ ठेवले. धनुष्यबाणाची डील दाेन हजार कोटींची झाल्याचा आराेप करणारे संजय राऊत हे सुप्रीम कोर्टात जाणार आहेत असं विचारल्यावर मंत्री पाटील यांनी जाऊ द्या असे म्हणत राऊतांची खिल्ली उडविली. (Maharashtra News)

Edited By : Siddharth Latkar