गोंदिया : गोंदिया (Gondia) जिल्ह्यातील अर्जुनी मोरगाव येथे असलेल्या साई सर्वेश्वर या बिअर बारमध्ये चोरीची घटना घडली होती. चोरट्यांनी येथील बारमध्ये ठेवलेल्या महागड्या दारूच्या (Liquor) बाटल्यांसह काऊंटर फोडून रोख रक्कम व संगणक असा सुमारे 1 लाख 84 हजार रुपयांचा मुद्देमाल चोरून नेला होता.

हे देखील पहा :

बारमालकाच्या (Beer Bar) तक्रारीवरून पोलिसांनी चोरीचा गुन्हा दाखल करून तपास सुरू केला. गुन्हेगारी रेकॉर्डवर असलेल्या गुन्हेगारांचा शोध सुरू असताना अखेर सीसीटीव्ही (CCTV) फुटेजची तपासणी करून पोलीस खऱ्या गुन्हेगारांपर्यंत पोहोचले. या चोरीच्या प्रकरणात दीपक राणा आणि सुशांत मिस्त्री नावाच्या दोन आरोपींना पोलिसांनी अटक केली आहे.

गोंदियातील वडसा शहरातून ह्या आरोपींना ताब्यात घेण्यात आले आहे. सदर आरोपींस न्यायालयात हजर करून त्यांनी लंपास केलेल्या महागड्या दारूच्या बाटल्यांसह 1 लाख 5 हजार रुपयाचे साहित्य जप्त करण्यात आले असून न्यायालयाने दोन्ही आरोपींना 7 तारखेपर्यंत पोलीस कोठडी सुनावली आहे.

Edited By : Krushnarav Sathe