शुभम देशमुख, प्रतिनिधी

Gondia Truck Accident News:

गोंदियामधून एक भीषण अपघाताची घटना समोर आली आहे. दुरूस्तीसाठी उभ्या असलेल्या ट्रकला पाठीमागून येणाऱ्या भरधाव ट्रकने धडक दिल्याने झालेल्या भीषण अपघातात तिघे जण जागीच ठार झाले. मंगळवारी (३१, ऑक्टोंबर) पहाटे देवरी शहरातून गेलेल्या राष्ट्रीय महामार्गावरील धोबीसराड गावाजवळ ही दुर्दैवी घटना घडली.

याबाबत अधिक माहिती अशी की, गोंदियातील (Gondia) धोबीसराड गावाजवळ मंगळवारी सकाळी एक भीषण अपघाताची घटना घडली. गोंदिया जिल्ह्यातील देवरी शहरालगत असलेल्या धोगीसराड गावाजवळ एक ट्रकमध्ये ( क्रमांक- MH 34 BG 5074) बिगाड झाल्याने दुरुस्तीसाठी महामार्गाच्या पलीकडे थांबला होता. रात्रीच्या अंधारातच या ट्रकची दुरूस्ती सुरू होती.

याचवेळी रायपुरकडे जाणाऱ्या ट्रकने (क्रमांक - MH 16 CD 8777) या उभ्या असलेल्या ट्रकला पाठीमागून जोरदार धडक दिली. ही धडक इतकी भीषण होती की यामध्ये तिघांचा जागीच मृत्यू झाला. या अपघाताच्या (Accident) घटनेने महामार्गावर एकच खळबळ उडाली. अपघाताची माहिती मिळताच स्थानिकांसह देवरी पोलिसांनी घटानास्थळी धाव घेतली.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी अपघातस्थळाचा पंचनामा करत मृतदेह देवरी येथील ग्रामीण रुग्नालयात शव विच्छेदनाकरीता पाठविले आहेत. सदर अपघातात मृत झालेल्यांची ओळख अद्याप पटली नसुन देवरी पोलिसांनी गुन्हा नोंद करत तपास सुरु केला आहे. या भीषण घटनेने सर्वत्र हळहळ व्यक्त केली जात आहे. (Latest Marathi News)