शुभम देशमुख 
गोंदिया : महामार्गावरील अपघातांची मालिका थांबण्याचे नाव घेत नाही. यात  अपघात गोंदियातून जाणाऱ्या राष्ट्रीय महामार्ग क्रमांक सहावर आज सकाळी घडला. या अपघातात भरधाव कंटेनरने दुचाकीला धडक दिल्याने यात एकाचा मृत्यू झाला आहे. तर अन्य एकजण गंभीर जखमी झाला आहे. 

चंद्रशेखर साखरे (वय ४५) असे अपघातात (Accident) मृत झालेल्या इसमाचे नाव आहे. चंद्रशेखर साखरे हे मुलाला घेऊन आपल्या दुचाकीने कोहमारावरून देवरीकडे जात होते. या दरम्यान नागपूरकडून (Nagpur) रायपूरकडे जाणाऱ्या भरधाव कंटेनरने डोंगरगावजवळ त्याच्या दुचाकीला मागून जोरदार धडक दिली. मागून धडक बसल्याने दोघे जण पुढे फेकले गेले. यात दुचाकीस्वार चंद्रशेखर साखरे हे कंटेनरच्या चाकाखाली आल्याने त्याच्या जागीच मृत्यू झाला. 

जखमी मुलगा रुग्णालयात 

दुचाकीवर मागे बसलेला त्यांचा १५ वर्षीय मुलगा मासूम साखरे हा बाजूला फेकला गेल्याने तो गंभीर जखमी झाला आहे. (Gondia) अपघात घडल्यानंतर आजूबाजूच्या परिसरातील नागरिक मदतीला आले. यानंतर त्यांनी जखमी मुलास उपच्चारासाठी देवरी येथे रुग्णालयात दाखल करण्यात आले आहे.