संजय महाजन, जळगाव

सोनं खरेदी करणाऱ्यांसाठी महत्वाची बातमी आहे. सोन्याच्या दरात पुन्हा वाढ झाली आहे. जळगावच्या सराफा बाजारामध्ये सोन्याच्या दराने मोठी उसळी घेतली आहे. गेल्या २४ तासांत सोन्याच्या दरात तब्बल २ हजार रुपयांनी वाढ झाली आहे. सोन्याचे दर जीएसटीसह ९८ हजार ४०० रुपयांवर पोहोचले आहे. तर चांदीच्या दरातसुद्धा पाचशे रुपयांनी वाढ झाली असून चांदीचे दर जीएसटीसह १ लाख २ हजार रुपयांवर पोहोचले आहेत.

गेल्या काही दिवसांपासून सोनं- चांदीच्या दरामध्ये चढ-उतार होताना पाहायला मिळत आहे. सोन्याच्या दरात पुन्हा वाढ झाल्यामुळे आता ग्राहकांच्या खिशाला मोठी कात्री लागणार आहे. रशिया युक्रेनमध्ये जो करार होणार होता तो आता पुढे ढकलण्यात आला आहे. त्यामुळे जिओ पॉलिटिकल टेन्शन आल्याने त्याचा परिणाम सोन्याच्या आणि चांदीच्या दारावर झाल्यास सोने व्यावसायिकांनी सांगितलं.

भविष्यात पुन्हा सोन्याचे दर वाढतील या भीतीने घरात लग्न असलेले मंडळी आजच सोने खरेदी करत असल्याचे व्यापाऱ्यांनी सांगितले आहे. सोन्याच्या दरात वाढ झाली असली तरी देखील जळगावच्या सराफ बाजारामध्ये सोनं खरेदी करण्यासाठी ग्राहकांनी मोठी गर्दी केली आहे.