Viral Video: वाहन चालवताना त्याचे सर्व नियम पाळणे गरजेचे असते. अन्यथा क्षुल्लक चुकांमुळे जीव धोक्यात येतो. सोशल मीडियावर सध्या प्रेमी युगलाचा एक व्हिडिओ जोरदार व्हायरल होत आहे. एका दुचाकीवर हे दोघे आपल्याच धुंदीत फिल्मी स्टाईल रोमान्स करत चालले आहेत. हा रोमान्स दोघांनाही चांगलाच महागात पडला आहे. त्यांच्या विरोधात पोलिसांत गुन्हा दाखल करण्यात आला आहे. (Latest Viral Video)

प्राप्त माहितीनुसार, सदर व्हिडिओ आंध्र पदेशच्या विशाखापट्टणमचा आहे. चित्रपटात काही सीनमध्ये प्रेयसी चालत्या दुचाकीच्या टाकीवर प्रियकराला मिठी मारून बसलेली तुम्ही पाहिली असेल. व्हायरल व्हिडिओमध्ये या दोघांनी देखील असाच व्हिडिओ बनवला आहे.

यात तरुण दुचाकी चालवत आहे. तर तरुणी त्याला मिठी मारून दुचाकीच्या टाकीवर बसली आहे. मागून येणाऱ्या चारचाकी वाहनातील एका व्यक्तीने त्यांचा व्हिडिओ रेकॉर्ड केला आहे. हा व्हिडिओ सध्या सोशल मीडियावर जोरदार व्हायरल होत आहे. नेटकरी या दोघांच्या रोमान्सवर संतप्त कमेंट करत आहेत.

हा व्हिडिओ विशाखापट्टणमच्या स्टील प्लांट रोडवरील आहे. व्हिडिओ पोलिसांच्या हाती लागताच त्यांनी या दोघांचा शोध घेत त्यांना ताब्यात घेतले आहे. निष्काळजीपणे वाहन चालवल्याने त्यांच्यावर कलम ३३६, १३२, २७९ आणि १२९ ही कलमे लावली आहेत, अशी माहिती पोलिसांनी दिली.