Nagpur Crime: नागपूर येथून एक दु:खद बातमी समोर आली आहे. प्रियकराने लग्नास नकार दिल्याने प्रेयसीने स्वत:चे जीवन संपवले आहे. या धक्कादायक घटनेमुळे मुलीच्या कुटुंबियांवर दु:खाचा मोठा डोंगर कोसळलाय. (Latest Nagpur News)

प्रेमात काही जण संपूर्ण जगाबरोबर लढण्याची तयारी दाखवतात. तर काहीजण आपल्या जोडीदाराला फसवतात, धोका देतात. मात्र या प्रेयसीने संपूर्ण जगाशी लढण्याची हिंम्मत या दाखवली.पण प्रियकराने परिस्थितीपासून दूर जाणे योग्य समजले. आत्महत्या केलेल्या तरुणीचे वय २८ वर्षे होते. तरुणी आणि तिचा प्रियकर दोघेही एकाच महाविद्यालयात कार्यरत असताना दोघांचं प्रेमाचं सुत जुळलं.

उच्चशिक्षित तरुण आणि तरुणी दोघांनी घरी सांगूण लग्न करण्याचा निर्णय घेतला होता. त्यामुळे त्यांनी आपल्या घरी सांगितले तेव्हा दोघांच्या कुटुंबियांनी नकार दिला. मात्र प्रियसीने घरच्यांच्या विरोधात जाण्याची तयारी दाखवली.पण प्रियकराने घरच्यांच्या विरोधात न जाता लग्नाला नकार दिला.

प्रियकराने देखील घरच्यांना विरोध करत आपल्याशी लग्न करावे अशी तरुणीची इच्छा होती. मात्र तसं न झाल्याने ती फार दुखावली गेली. नैराश्यातून तिने घरात गळफास घेत आत्महत्या केली. शांतीनगर पोलिसांनी या प्रकरणात आकस्मिक मृत्यूची नोंद घेत पुढील तपास सुरू केलाय.