भरत मोहळकर, साम टीव्ही, प्रतिनिधी

GBS Outbreak Reason: चिकन म्हटलं की अनेकांच्या तोंडाला पाणी सुटतं. पण तुम्ही चिकन खात असाल तर सावधान. कारण चिकन खाल्ल्याने जीबीएस होत असल्याची धक्कादायक माहिती समोर आलीय. यासंदर्भात राज्याचे उपमुख्यमंत्री अजित पवारांनी चिकन खाल्ल्याने जीबीएस होत असल्याची माहिती दिलीय. त्यामुळे चिकन प्रेमींचे धाबे दणाणले आहेत.

जीबीएस आजाराने पुणे, मुंबई, सोलापूर आणि नागपूरमध्ये हातपाय पसरवले आहेत.. राज्यात जीबीएस रुग्णसंख्येने 200 चा आकडा पार केलाय. तर 9 रुग्णांचा मृत्यू झालाय. त्यामुळे नागरिकांचं टेन्शन वाढलंय. तर हा आजार दूषित पाण्यामुळे होत असल्याचा दावा करण्यात येत होता. मात्र आता पोल्ट्री फार्ममधून घेतलेल्या नमुन्यांमध्ये चिकनमुळेच जीबीएस होत असल्याचं समोर आलंय. मात्र जीबीएस होऊ नये, यासाठी काय काळजी घ्यावी? पाहूयात.

जीबीएसबाबत काय काळजी घ्याल?

- चिकन चांगलं शिजवल्यानंतरच खा

- रस्त्यावरुन चिकन खरेदी करताना स्वच्छतेची काळजी घ्या

- पाणी उकळूनच प्यायला हवं

- स्वच्छ व ताजं अन्न खायसा हवं

- शिजवलेलं आणि न शिजवलेलं अन्न एकत्र ठेऊ नका

जीबीएस आजार मज्जातंतूवर आघात करतो. त्यामुळे या आजारापासून वाचण्यासाठी नागरिकांनी सरकारने दिलेल्या नियमांचं पालन करुन काळजी घ्यायला हवी. अन्यथा जीभेचे चोचले पुरवण्याच्या नादात जीबीएसमुळे तुमचाही बळी गेल्याशिवाय राहणार नाही.