- नवनीत तापडिया

Aurangabad News : गंगापूर तालुक्यातील गंगापूर सहकारी साखर कारखान्याच्या (gangapur sahakari sakhar karkhana) संचालक मंडळाच्या निवडणुकीत (election) भाजपचे (bjp) आमदार व कारखान्याचे विद्यमान अध्यक्ष प्रशांत बंब (mla prashant bamb) यांना सभासदांनी नाकारले. या निवडणुकीत शिवसेना ठाकरे गटाचे कृष्णा पाटील डोणगावकर यांच्या गटाने निर्विवाद यश मिळवले आहे.

गंगापूर तालुक्यातील गंगापूर सहकारी साखर कारखान्याच्या संचालक मंडळाची निवडणुक नुकतीच झाली. यंदा सभासदांनी भाजपचे आमदार व कारखान्याचे विद्यमान अध्यक्ष प्रशांत बंब यांच्या गटास नाकारले. आमदार बंब यांचा देखील निवडणुकीत पराभव झाला.

शिवसेना ठाकरे गटाचे कृष्णा पाटील डोणगावकर यांच्या गटाने सर्व वीस जागांवर दणदणीत विजय मिळवला. गेल्या 15 वर्षांपासून बंद असलेल्या गंगापूर कारखाना निवडणुकीकडे तालुकासह जिल्ह्याचे लक्ष लागले होते. आमदार बंब यांच्या नेतृत्वाखालील शेतकरी सभासद कामगार पॅनल व कारखान्याचे माजी अध्यक्ष शिवसेना ठाकरे गटाचे कृष्णा पाटील डोणगावकर यांच्या मार्गदर्शनाखालील शिवशाही शेतकरी विकास पॅनलमध्ये सरळ लढत झाली.

यामध्ये डोणगावकर यांच्या पॅनलने सर्व जागांवर नऊशे पेक्षा अधिक मतांच्या फरकाने विजय मिळवला. यामुळे गंगापूरचे आमदार प्रशांत बंब यांना चांगलाच झटका बसलाय. त्यांच्या गटाचे सर्व उमेदवारांना पराभवास सामाेरे जावे लागले आहे. (Maharashtra News)

Edited By : Siddharth Latakr