सांगली : इमारतीच्या पाचव्या मजल्यावरील गॅलरीवरुन पडून चिमुकलीचा मृत्यू झाल्याची दुर्दैवी घटना समोर आली आहे. सांगलीच्या मिरज येथील बुधगावकर मळा येथे ही घटना घडली आहे. यश्वी देशमाने असं मृत चार वर्षीय चिमुकलीचं नाव आहे.

यश्वीचे वडील डॉ. दीनेश देशमाने यांचं निर्मिती टॉवर इमारतीच्या पाचव्या मजल्यावर घर आहे. त्याच्या घराला असलेल्या गॅलरीत यश्वी खेळत होती. खेळता खेळता पाचव्या मजल्याच्या गॅलरीतून तोल जाऊन यश्वी खाली पडली. (Latest Marathi News)

गंभीर जखमी झालेल्या यश्वीला जवळील रुग्णालयात उपचारासाठी दाखल करण्यात आले होते. पण उपचारादरम्यान तिचा मृत्यू झाला. या घटनेने परिसरात हळूहळू व्यक्त होत आहे. महात्मा गांधी पोलीस ठाणे येथे घटनेची नोंद करण्यात आली आहे. पोलीस अधिक तपास करत आहेत.