सांगली : एखादी व्यक्ती मयत झाल्यास त्या व्यक्तीचा मृतदेह दहनाकर्ता घेऊन जाताना खांदा देण्याची प्रथा आहे. मात्र या वेळी खांदेकरी हे नेहमी पुरुष असतात मात्र सांगलीमध्ये (Sangli) चक्क स्त्रीयांनी मयताला खांदा दिला आहे.

नुकताच दोन दिवसांपूर्वी जागतिक महिला दिन (World Women's Day) झाला आणि काल वय वर्ष 108 श्रीमती तानूबाई रामचंद्र चव्हाण माजी सभापती तथा माजी नगरसेविका ज्योती आधाटे यांच्या आजीचे वृद्धापकाळाने निधन झाले. आजीच्या दुःखद निधनानंतर नात ज्योती आधाटे, प्रियांका तुपलोंढे राणी कदम, सुजाता दळवी या महिलांनी चक्क मयताला खांदा दिला. तर प्रत्यक्षात मयत तानुबाई चव्हाण यांच्या मुलीने प्रभावती आधाटे यांनी शिकाली धरली होती.

क्रांतिकारी बदल म्हणजे त्यांना गॅस दाहिनी मध्ये घेऊन जात असताना पुरुषी खांदा देण्याची परंपरा टाळून चार महिलांनी त्यांच्या मृतदेहाला (Corpses) खांदा दिला. हा एक खूप मोठा क्रांतिकारी बदल सांगलीकारांनी काल पाहिला आहे.

Edited By - Jagdish Patil