Ramesh kadam Critized Chhagan Bhujbal:

आर्थिक गैरव्यवहाराप्रकरणी तुरुंगात असताना छगन भुजबळ हे राष्ट्रवादी काँग्रेसचे अध्यक्ष शरद पवार यांना ब्लॅकमेल करायचे, असा आरोप माजी आमदार रमेश कदम यांनी केला. ते पंढरपुरात माध्यमांशी बोलत होते. पंढरपुरात त्यांनी विठ्ठल रूक्मिणीचं दर्शन घेतलं. त्यानंतर पत्रकारांशी बोलताना अजित पवार गटातील मंत्री छगन भुजबळ यांच्यावर त्यांनी टीका केली.(Latest Politics News)

रमेश कदम यांची नुकतीच तुरुंगातून जामिनावर सुटका झालीये. तुरुंगातून बाहेर आल्यानंतर रमेश कदम राजकारणात सक्रिय झालेत. अण्णाभाऊ साठे आर्थिक विकास महामंडळात भ्रष्टाचार केल्याच्या आरोपाप्रकरणी ते तुरुंगात होते. पंढरपूर येथे माध्यमांशी बोलताना कदम म्हणाले की, ते आणि छगन भुजबळ काही काळ एकाच तुरुंगात होते.

त्यावेळी त्यांना तुरुंगातील छगन भूजबळ आणि आत्ताचे भुजबळ कसे आहेत, असा प्रश्न करण्यात आला. याचे उत्तर देताना त्यांनी छगन भुजबळ यांच्यावर टीका केली. रमेश कदम म्हणाले की, आत्ताचे छगन भुजबळ आणि आधीच्या भुजबळांमध्ये खूप फरक आहे.

जामिनासाठी भुजबळांची धडपड सुरू होती. आपला जामीन झाला नाही तर मला वेगळा मार्ग स्वीकारावा लागेल, असा इशारा ते कायम शरद पवारांना देत असायचे. रुंगात असताना माझी आणि त्यांची भेट होत असे. त्यावेळी पवार साहेबांनी मला मदत केली पाहिजे. जामिनाला खूपच उशीर होतोय, अशी नाराजी भुजबळांच्या बोलण्यातून जाणवायची पण त्याचवेळी वेगळा मार्ग स्वीकारण्याची धमकी ते पवारांना द्यायचे, असा दावा कदम यांनी केलाय.

जेलमध्ये गेल्यावर ते ८ दिवसात आजारी पडत. त्यांच्या छातीत दुखायचे हे कारणं दाखवून त्यांना नेत्यांची पक्षांची सहानुभूती मिळत आणि ते बेल आउट होत असायचे. आता ते फिट दिसत आहेत. तुरुंगातून सुटका मिळवण्यासाठी त्यांची युक्ता त्यांची काकुळती मी पाहिलेय. छगन भुजबळ हे रोज आजारी पडायचे. त्यांना रोजच उपचाराची गरज पडायची. परंतु आत्ताचे भुजबळ खूपच फीट असल्याचं म्हणत कदम यांनी भुजबळांना टोला मारला.