सिद्धेश म्हात्रे, नवी मुंबई

Shetkari Kamgar party leader vivek patil announcement retirement : शेतकरी कामगार पक्षाचे नेते आणि माजी आमदार विवेक पाटील यांनी राजकारणातून 'संन्यास' घेतला आहे. वय ६९ वर्षे असून, प्रकृतीच्या कारणास्तव सक्रिय राजकारणातून निवृत्ती घेत असल्याची माहिती त्यांनी पत्रकाद्वारे दिली.

मी १९७९ पासून शेकापचा सक्रिय कार्यकर्ता आहे. पक्षाच्या निष्ठावंत कार्यकर्त्यांनी प्रचंड मेहनत घेऊन मला दोन वेळा जिल्हा परिषदेवर निवडून दिले होते, असे विवेक पाटील यांनी पत्रात म्हटले आहे. (Latest News)

१० वर्षे पनवेल पंचायत समितीचा सभापती म्हणून काम करण्याची संधी दिली. सन १९९५, १९९९, २००४, २००९ असे चार वेळा विधानसभेवर निवडून देऊन २० वर्षे आमदार म्हणून काम करण्याची संधी दिली. त्या सर्व कार्यकत्यांचे आणि हितचिंतकांचे मनपूर्वक आभार मानतो, असेही त्यांंनी पत्रात नमूद केले आहे. (Political News)

विवेक पाटील म्हणाले की, तुम्हाला माहीत आहे ४ वर्षांपूर्वी एका जीवघेण्या आजारातून तुम्हा सर्वांच्या सद्भावना व आशीर्वादामुळे मी बरा झालो. आता पुन्हा त्याच आजाराने मी त्रस्त आहे. शारीरिक व्याधीमुळे मला यापुढे काम करणे शक्य होणार नाही. तसेच माझी तब्येत बरी नसल्यामुळे मी शेतकरी कामगार पक्षाचा राजीनामा देत आहे. त्यामुळे मी सक्रीय राजकारणातून निवृत्त होत आहे.