पंढरपूर - बार्टी मध्ये झालेल्या पार्टीचे प्रकरण चांगलेच तापले आहे. यावरून माजी मंत्री लक्ष्मण ढोबळे यांनी सामाजिक न्याय मंत्री धनंजय मुंडे (Dhananjay Munde) यांच्यावर सडकून टिका करत‌ या प्रकरणी बार्टीच्या अधिकाऱ्यांविरोधात पुण्यात मोर्चा काढणार असल्याचा इशारा माजी मंत्री ढोबळे यांनी‌ दिला आहे. पुण्यामधील (Pune) डॉ. बाबासाहेब आंबेडकर रिसर्च आणि ट्रेनिंग इन्स्टिट्यूट मधील महासंचालक आणि इतर अधिकाऱ्यांनी भीमा कोरेगाव (Bhima Koregaon) कार्यक्रमातील ठेकेदाराची बिले मंजूर करण्यासाठी पार्टी घेतली होती.

हे देखील पहा -

यावरून माजी मंत्री लक्ष्मण ढोबळे यांनी संताप व्यक्त केला आहे. माणुसकीला लाज आणणारी ही घटना आहे. सामाजिक न्याय मंत्री मुंडे यांनी तोडपाणी करण्या पेक्षा बार्टी मध्ये लक्ष घालावे. तसेच यात सहभागी संबंधितांवर कडक कारवाई करावी. अन्यथा मागासवर्गीयांच्या वतीने पुण्यात मोर्चा काढणार असल्याचे ढोबळे यांनी इशारा दिला आहे.

Edited By - Shivani Tichkule