संजय महाजन, साम टीव्ही

जळगाव पोलिसांनी मोठी कारवाई केली आहे. जळगावच्या माजी महापौर ललित कोल्हे यांच्या ममूराबाद रस्त्यावरील एल के फॉर्म हाऊसवर पोलिसांची छापेमारी करत बनावट कॉल सेंटरचा अड्डा उद्धवस्त केलाय. पोलिलांनी कारवाई करत माजी महापौर ललित कोल्हेसह आठ जणांना ताब्यात घेतलं आहे. पोलिसांच्या कारवाईने जळगावच्या राजकारणात खळबळ उडाली आहे.

मिळालेल्या माहितीनुसार, बनावट कॉल सेंटरच्या माध्यमातून विदेशी नागरिकांना विविध आमिष दाखवत लाखों रुपये लुटल्याच्या संशयावरून पोलिसांनी माजी महापौर ललित कोल्हे यांच्या सह आठ जणांना ताब्यात घेतलं. यामध्ये ३२ लॅपटॉप आणि ७ मोबाईल जप्त केले. या प्रकरणी पोलिसांत गुन्हा दाखल करण्यात आल्याची प्रक्रिया सुरू असल्याचे माहिती पोलिसांनी दिली आहे. पोलिसांनी केलेल्या या कारवाई मध्ये पोलिस तपासात आता काय निष्पन्न होते,या कडे सगळ्यांचे लक्ष लागले आहे.

पोलिसांच्या कारवाईमुळे जळगावच्या राजकीय वर्तुळात खळबळ उडालीये. फॉर्म हाऊसवरील बनावट कॉल सेंटरमधून विदेशातील नागरिकांची लाखो रुपयांची फसवणूक झाल्याचा पोलिसांनी संशय व्यक्त केला आहे. या प्रकरणात माजी महापौरावर कुणाचा हात आहे, याचा तपास पोलिसांकडून केला जात आहे.

माजी महापौर हे आधी राज ठाकरेंच्या मनसेत होते. पुढे २०१८ साली त्यांची भाजपशी जवळीक वाढली. सप्टेंबर २०१७ साली ते जळगावचे महापौर झाले. त्याआधी मनसे आणि माजी मंत्री सुरेश जैन यांच्या खान्देश विकास आघाडीच्या पाठिंब्याने उपमहापौर बनले होते. त्यांनी २००९ आणि २०२४ साली मनसेच्या तिकीटवर विधानसभा निवडणूक लढली होती. याच ललित कोल्हे यांना अटक केल्याने जळगावच्या राजकारणात खळबळ उडाली आहे.