अकोला : संपूर्ण महाराष्ट्रामध्ये गेल्या दोन दिवसापासून सुरु असलेल्या मुसळधार पावसाने हाहा:कार माजवला आहे. आज अकोल्यातील अकोट तालुक्यात देखील जोरदार पाऊस सुरु आहे. अकोट तालुक्यातील मुंडगाव जवळील चंद्रिका नदीला पूर आला आहे. पुरामुळे नदीकाठच्या लोहरी, वणी, वारुळा, आळेगाव, बलेगाव, लमाकानीसह इतर दोन गावांचा संपर्क तुटला आहे.

हे देखील पहा -

अकोट तालुक्यातील मुंडगाव जवळील चंद्रिका नदीवरील पूल हा दळणवळणासाठी महत्त्वाचा पूल आहे. मात्र नदीच्या पाणी पातळीमध्ये वेगाने वाढ होत असल्याने जनजीवन विस्कळीत झाले आहे.

पहा फोटो :

काल पासून मुंडगाव मधील पूल पाण्याखाली गेल्याने वाहतूक विस्कळीत झाली आहे. नदीने रौद्ररुप धारण केल्यामुळे नदीच्या पात्रातील पाणी प्रवाह बदलून नदीकाठच्या शेतात घुसले आहे. या पाण्यामुळे शेतीचे मोठ्या प्रमाणात नुकसान झाले आहे. यामुळे शेतकऱ्यांच्या चिंतेत भर पडली आहे. पूल पाण्याखाली गेल्यामुळे वाहतूक विस्कळीत झाल्यामुळे लोकांचे प्रचंड हाल झाले आहेत.

Edited By : Krushnarav Sathe