सातारा: राज्यभरात काल दिवसभर अनेक ठिकाणी पावसाने थैमान घातलं होतं. साताऱ्यात देखील मोठ्या प्रमाणात पाऊस पडला यामुळे अनेक ओढ्या नाल्याना पूर आला होता. अशातच ओढा ओलांडताना एक गाडी पुराच्या पाण्यातून वाहून गेल्याची घटना घडली असून या गाडीमध्ये गुदमरुन बाप लेकीचा दुर्देवी मृत्यू झाला आहे.

साताऱ्यातील (Satara) फलटण तालुक्यातील सोमंथळी येथील ओढा ओलांडत असताना ही गाडी पाण्यातून वाहून गेल्याची घटना घडली आहे. राज्यातील (Rain)अनेक जिल्ह्यांमध्ये काल अपेक्षेपेक्षा जास्तीचा पाऊस पडल्यामुळे सर्वसामान्य नागरिकांचे हाल झालेच. तर शहरातील चाकरमाण्याची चांगलीच तारांबळ उडाली होती. तर या अवकाळी पावसामुळे शेतीचे देखील मोठ्या प्रमाणात नुकसान झालं आहे.

पाहा व्हिडीओ -

काल अपेक्षेपेक्षा मोठ्या प्रमाणात पडलेल्या पावसामुळे शहरातील अनेक ठिकाणी पाणी साचलं होतं. तर अचानक पडलेल्या या पावसाचा अनेक नागरिकांना अंदाज न आल्यामुळे राज्यभरात अनेक दुर्घटना घडल्या आहेत.

अशातच काल फलटण तालुक्यातील सोमंथळी येथील ओढा ओलांडत असताना एक गाडी ओढ्याच्या पाण्यातून वाहून गेली. या गाडीमध्ये असेली १३ वर्षीय प्रांजल आणि तिचे वडील छगन मदने वय 38 या बाप लेकीचा गुदमरुम दुर्दैवी मृत्यू झाला आहे. दरम्यान, नागरिकांनी पावसातून वाहनं चालवताना योग्य ती खबरदारी घ्यावी धोक्याच्या ठिकाणी गाडी घालणं टाळावं असं आवाहन प्रशासनाकडून करण्यात येत आहे.