सोलापूर : सोलापूर (Solapur) जिल्ह्यातील बार्शी (Barshi) तालुक्यातील चिखर्डे येथील वीज उपकेंद्राला शेतकऱ्यांनी टाळे ठोकले, चिखर्डेच्या वीज केंद्रावर चालणाऱ्या १३ गावच्या शेतकऱ्यांची (farmers) वीज विद्युत केंद्राने कुठलीही पूर्व सूचना न देता कापल्यामुळे संतप्त झालेल्या शेतकऱ्यांनी एकत्र येत वीज उपकेंद्रालाच टाळे ठोकले.

ऐन उन्हाळा सुरू झाला असताना बागायतदार शेतकऱ्यांची वीज कापण्यात आली आहे. द्राक्ष बागायतदार, कांदा उत्पादक शेतकरी तसेच विविध प्रकारची फळझाडांच्या बागा ऐन भरात आल्या असताना अशा प्रकारे वीज कापल्यामुळे शेतकऱ्यांची चांगलीच अडचण झाली.

त्यामुळे १३ गावच्या शेतकऱ्यांनी एकत्र येत उपकेंद्रालाच टाळे ठोकले. यावेळी शेतक-यांनी तेथील अधिका-यांना उपकेंद्रातून बाहेर काढले. यावेळी सुमारे आठशे ते नऊशे शेतकरी उपस्थित हाेते.

Edited By : Siddharth Latkar