बीड - पिकअप पाठीमागे घेतांना, एका 60 वर्षीय शेतकऱ्यास जोराची धडक देत अंगावरून गेल्याने, या अपघातात शेतकऱ्याचा (Farmer) मृत्यू झाला आहे. ही घटना बीडच्या (Beed) मस्साजोग गावात घडली आहे. गंगाधर भानुदास कदम वय 60 रा. मस्साजोग ता. केज असं मृत शेतकऱ्याच नाव आहे.

हे देखील पाहा-

बीडच्या केज तालुक्यात असणाऱ्या मस्साजोग येथील शेतकरी, गंगाधर भानुदास कदम, हे शेतातून गावात येत होते. ते रस्त्यावर आले असता कोंबड्यानी भरलेल्या पिकअपने, रिव्हर्स घेताना, गंगाधर कदम यांना जोराची धडक दिली, यावेळी ते खाली पडले. मात्र चालकाने याकडं लक्ष न देता अन पाठीमागे न पाहून अंगावरून पिकअप घातले.

या अपघातात गंभीर झालेल्या शेतकरी गंगाधर कदम यांना, तातडीने अंबाजोगाईच्या शासकीय रुग्णालयात उपचारासाठी दाखल करण्यात आले. मात्र काही मिनिटात उपचार सुरू असताना त्यांचा मृत्यू झाला. दरम्यान, मुलगा अशोक गंगाधर कदम यांच्या फिर्यादीवरून पिकअप चालकाविरुद्ध केज पोलिसात गुन्हा दाखल करण्यात आला असून पिकअप चालक फरार झाला आहे.