सोलापूर : मध्य रेल्वेच्या सोलापूर विभागातील वाशिंबे ते भाळवणी या 26.33 किमीच्या दुहेरीकरणाच्या कामासाठी 28 ऑक्‍टोबरपर्यंत ब्लॉक घेण्यात आला होता. मात्र, हे काम पूर्ण झाले असून, या मार्गावर विद्युत इंजिनची चाचणी यशस्वी झाली आहे. त्यामुळे आजपासून हुतात्मा, सिद्धेश्वरसह अन्य 16 गाड्या पुन्हा ट्रॅकवर येणार असल्याची माहिती रेल्वेच्या अधिकाऱ्यांनी दिली आहे.

हे देखील पहा-

मध्य रेल्वेच्या सोलापूर विभागातील दौंड- कुर्डुवाडी सेक्‍शनमधील भाळवणी ते वाशिंबे स्थानकादरम्यान 26.33 किमीचे दुहेरीकरणाचे काम सुरू करण्यात आले होते. मागील 14 दिवसांपासून हे काम युद्धपातळीवर करण्यात येत होते. मात्र, 28 ऑक्‍टोबरपर्यंत हे काम पूर्ण करण्यात आले आहे.

त्यामुळे सिद्धेश्वर, हुतात्मासह अन्य सोळा एक्सप्रेस आजपासून रेल्वे रुळावर धावणार आहेत. त्यामुळे सोलापूरकरांमधून आनंद व्यक्त केला जात आहे. याच मार्गावरून गुरुवारी कोणार्क एक्‍सप्रेस सोलापूरच्या दिशेने धावली असल्याचे अधिकाऱ्यांनी सांगितले आहे.

Edited By- Digambar Jadhav