नागपूर : मुख्यमंत्री उद्धव ठाकरे (Uddhav Thackeray) यांनी उद्घाटन करण्याआधीच काँग्रेस नेते आशिष देशमुख (Ashish Deshmukh) यांनी समृद्धी महामार्गावरुन कार चालवल्याची घटना समोर आली आहे. देशमुख यांनी समृद्धी महामार्गावरुन (Samrudhi Highway) नागपूर ते वाशिमपर्यंत २०० किमोमीटरचा प्रवास केला आहे. हा प्रवास करताना त्यांची बीएमडब्ल्यू (BMW) कार तासी १७० चालवली आहे शिवाय या प्रवासाचा त्यांनी व्हिडीओ देखील रेकॉर्ड केला आहे.

या व्हिडीओमध्ये देशमुख म्हणतायत, या महामार्गाचा फायदा घ्या असं आवाहन त्यांनी लोकांनी केलं आहे. समृद्धी महामार्गाद्वारे घराघरात समृद्धी आणा असं ते म्हणतायत, तसंच विदर्भाच्या विकासासाठी समृद्धी महामार्गाचं मोठं योगदान असणार आहे असंही ते या व्हिडीओमध्ये म्हणत आहेत.

पाहा व्हिडीओ -

दरम्यान, समृद्धी महामार्गाच्या पहिल्या टप्प्याचं उद्धाटन १ मे रोजी मुख्यमंत्री उद्धव ठाकरे यांच्या हस्ते होणार आहे. मात्र या आधीच काँग्रेसच्या (Congress) देशमुख यांनी या महामार्गावरुन गाडी चालवल्याने महाविकास आघाडीच्या मित्र पक्षांमध्येच वाद होण्याची शक्यता आहे.

Edited By - Jagdish Patil