अकोला : ओमीक्रॉनने अकोला जिल्ह्यात शिरकाव केला असून, ही महिला व्यक्ती दुबईहून अकोल्यात परतली आहे. सध्या या महिला रुग्णाची प्रकृती उत्तम असल्याचे वैद्यकीय सूत्रांनी सांगितले आहे. या महिलेला कोविड झाला होता. पश्चिम विदर्भात पहिला ओमीक्रॉन (omicron variant) रुग्ण बुलढाणा जिल्ह्यात आढळला होता.

हे देखील पहा :

दरम्यान, आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (RTPCR) 145 अहवाल प्राप्त झाले. त्यात एकाचा अहवाल पॉ‍झिटीव्ह आला, तर एकाचा उपचारा दरम्यान मृत्यू झाला.

याबद्दल अकोला (Akola) जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे. त्याच प्रमाणे अकोला येथे दि. 18 रोजी दाखल झालेल्या एका कोरोना (Corona) बाधीत महिलेचा ओमीक्रॉन चाचणी अहवाल पॉझिटिव्ह आला असल्याचे शासकीय वैद्यकीय महाविद्यालयाने स्पष्ट केले आहे.

Edited By : Krushnarav Sathe