नांदेड : ST महामंडळाचे राज्य शासनात विलिनीकरण करा या मागणीसाठी जवळपास एक महिन्याहून अधिक काळ महाराष्ट्रातील एसटी कर्मचाऱ्यांच आंदोलन (ST Strike) सुरु आहे. परिवहन मंत्र्यांनी पगारवाढीचे आश्वासन दिले तरी आंदोलक कामावरती हजर होण्यास तयार नाहीत. तर काही ठिकाणी कर्मचारी हजर झाले असले तरी पहिल्यासारखी ST वाहतूक सुरळीत सुरु झालेली नाही. (Employee dies of heart attack in ST agitation)

काही मागण्या पूर्ण करण्याचे सरकारने मान्य केले असले तरी विलिनूकरणाच्या मागण्यांसाठी संप सुरूच आहे. तसेच सरकारने कर्मचाऱ्यांवरती (ST Employee) निलंबनाची कारवाई देखील सुरु केली आहे. या कारवाईत आत्तापर्यंत जवळपास 9000 कर्मचाऱ्यांना निलंबित करण्यात आलं आहे. त्यामुळे अनेक कर्मचाऱ्यांनी या कारवाईची धास्ती घेतली आहे.

आता अशातच काल नांदेड येथील एसटी महामंडळाच्या (ST Corporation) कर्मचाऱ्याला ह्रदयविकाराचा झटका आला होता आज त्या कर्मचाऱ्याचा सकाळी उपचारा दरम्यान मृत्यू झाला आहे. दिलीप विर (Dilip Veer) असं या मृत्यू झालेल्या कर्मचाऱ्याचं नाव आहे. विर यांचा मृत्यू झाल्याने एसटी कर्मचारी आता महाराष्ट्र सरकारचा तीव्र निषेध करत आपला रोष व्यक्त केला आहे.

Edited By - Jagdish Patil