निवडणूक आयोगाने शरद पवार गटाला पक्ष चिन्हासंदर्भात मोठा दिलासा दिलाय. यापुढे ट्रम्पेटला तुतारी असं भाषांत्तर करता येणार नसल्याचं आयोगानं स्पष्ट केलंय. ट्रम्पेटला तुतारी म्हणून नये, अशी मागणी शरद पवार गटाकडून करण्यात आली होती. त्या विनंतीवर निवडणूक आयोगाने हा निकाल दिलाय. लोकसभा निवडणुकीत फटका बसला होता मात्र निवडणूक आयोगाच्या दिलेल्या निर्णयामुळे शरद पवार गटाला विधानसभा निवडणुकीत मोठा फायदा होणार आहे.

'ट्रम्पेट' या चिन्हाचं भाषांत्तर प्रचार पत्रकात तुतारी करण्यात येत होता. त्यावर शरद पवार गटाने आक्षेप घेतला होता. ट्रम्पेटचं भाषांत्तर हे तुतारी करून अशी विनंती शरद पवार गटाकडून निवडणूक आयोगाकडे करण्यात आली होती. शरद पवार गटाकडून करण्यात आलेल्या विनंती आयोगाकडून मान्य करत ट्रम्पेटचं भाषांत्तर तुतारी करून अशी सुचना आयोगाने दिलीय. लोकसभा निवडणुकीत शरद पवार गटाला ट्रम्पेट चिन्हामुळे मोठा फटका बसला होता. विशेषत: पश्चिम महाराष्ट्रात शरद पवार गटाच्या राष्ट्रवादीला हा फटका बसला होता.