Nagpur Crime News Saam Tv
महाराष्ट्र

Nagpur Crime : नागपूर हादरलं! चॉकलेटचे आमिष देऊन 8 वर्षीय मुलीवर अत्याचार; अनोळखी आरोपीचे पोलिसांकडून स्केच तयार

Saam Tv

पराग ढोबळे, साम टीव्ही, प्रतिनिधी

नागपूरमध्ये अत्यंत संतापजनक घटना घडली आहे. येथे एका आठ वर्षीय मुलीवर अत्याचार झाल्याची घटना घडली आहे. अनोळखी आरोपीने पीडित मुलीला चॉकलेटचे आमिष देऊन तिच्यावर अत्याचार केला आणि फरार झाला. याप्रकरणी मुलीच्या पालकांनी पोलिसात तक्रार दाखल केली आहे. पोलिसांनी अनोळखी आरोपीचे स्केच तयार केले असून पोलीस त्याचा शोध घेत आहेत.

मिळालेल्या माहितीनुसार, आठ वर्षीय मुलगी आपल्या चार वर्षीय बहिणीसोबत घरी होती. तिचे आणि वडील नोकरी करत असल्याने, ते घराबाहेर गेले होते. याचवेळी दुपारच्या सुमारास दुचाकीवरून एक व्यक्ती तिच्या घरी आला. या व्यक्तीचे वय अंदाजे 40 वर्ष होते. आरोपीने मुलीला घरी तिचे वडील आहेत का? अशी विचारणा केली. यावेळी मुलीने नाही, असं उत्तर दिलं.

यानंतर आरोपीने घरी मुलीचे आई आणि वडील नसल्याची खात्री केली आणि घरात शिरला. पुढे आरोपीने मुलीच्या लहानग्या बहिणीला घराबाहेर ठेवलं आणि या आठ वर्षीय मुलीला चॉकलेटचे आमिष दाखवून तिच्यावर अत्याचार केला. मुलीवर अत्याचार केल्यानंतर हा आरोपी फरार झाला.

घटनेनंतर रात्री मुलीचे आई आणि वडील घरी आले. त्यावेळी मुलीने आपल्यासोबत घडलेला संपूर्ण प्रकार त्यांना सांगितला. हे सगळं ऐकून तिच्या पालकांच्या पायाखालून जमीनच सरकली. यानंतर पीडित मुलीच्या पालकांनी तात्काळ पोलीस स्टेशन गाठत अज्ञात आरोपीविरोधात तक्रार दाखल केली.

याप्रकरणी पोलिसांनी तक्रार नोंदवून घेतली आहे. मात्र आरोपीची ओळख पटत नसल्या पोलिसांनी आरोपीचा एक स्केच तयार करून घेतला आहे. तसेच पोलिसांनी याप्रकरणी तपास सुरू केला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Badlapur Case : बदलापूर अत्यार प्रकरणी मोठी अपडेट; एसआयटीकडून कोर्टात २ चार्जशीट दाखल, पाहा व्हिडिओ

Bharat Gogavale: महामंडळावर बोळवण, मंत्रिपदाची हुलकावणी; भरत गोगावले एसटीचं अध्यक्षपद स्वीकारणार?

NPS Vatsalya Scheme: तुमच्या मुलांनाही मिळणार पेन्शन! महिन्याला गुंतवा हजार, मुलं होतील कोट्याधीश; जाणून घ्या काय आहे योजना

UPI स्कॅम कसा ओळखायचा? तुमचे पैसे सुरक्षित करण्यासाठी या टिप्स करा फॉलो

Mhada Lottery 2024: म्हाडा लॉटरी घरांसाठी शेवटच्या दिवशी 'पेमेंट फेल'चा फटका! घराचे स्वप्न पूर्ण होणार का? शेकडो अर्जदार चिंतेत

SCROLL FOR NEXT