जालना - महाराष्ट्रातील Maharashtra ४ प्रमुख स्टील री रोलिंग मिलवर आयकर विभागाकडून धाडी टाकण्यात आल्या आहेत. जालना, औरंगाबाद, पुणे, मुंबई Mumbai आणि कोलकातामध्ये Kolkata पसरलेल्या 32 हून अधिक परिसरात हे ऑपरेशन करण्यात आले. या धाडीत आयकर विभागाकडून आक्षेपार्ह कागदपत्र, सैलपत्रके आणि डिजिटल पुरावे जप्त करण्यात आले.

हे देखील पहा -

या धाडीत २०० कोटींपेक्षा अधिक बेहिशेबी मालमत्ता सापडल्याची माहिती आयकर विभागाने प्रेस रिलिज मधून दिली आहे. शेल कंपन्या वापरून शेअर प्रीमियम आणि असुरक्षित कर्जाच्या वेषात कंपन्यांनी मिळवलेले बेहिशेबी उत्पन्न समोर आले असून 200 कोटींपेक्षा जास्त बेहिशेबी खरेदीचे पुरावे आयकर विभागाला सापडले आहेत.

कंपन्यांच्या कारखाना परिसरातही मोठ्या प्रमाणात बेहिशेबी साठा सापडल्याची माहिती आयकर विभागाने प्रेस रिलिज मधून दिली. शोध मोहिमेदरम्यान 12 बँक लॉकर्स सापडले आहेत. 2.10 कोटी कोटी रुपयांची बेहिशेबी रोख रक्कम आणि 1.07 कोटी रुपयांचे दागिने आयकर विभागाने जप्त केले असल्याची माहिती देण्यात आली आहे.

Edited By - Shivani Tichkule