अभिजित देशमुख

कल्याण : डोंबिवली स्टेशन परिसरात परप्रांतीय फेरीवाल्यांची मुजोरी पुन्हा एकदा समोर आली. रस्त्याने चालणाऱ्या (Dombivili) पादचाऱ्याला दोन फेरीवाल्यांनी लाकडी दांडके व लाथा बुक्क्यांनी बेदम मारहाण केली. या प्रकरनी डोंबिवली रामनगर पोलीस (Police) ठाण्यात दोन फेरीवाल्यांविरोधात गुन्हा दाखल करण्यात आला. (Maharashtra News)

डोंबिवली स्टेशन परिसरात फेरीवाल्यांचे मुजोरी दिवसेंदिवस वाढत चालली आहे. महिन्‍यापूर्वी मनसेने रस्त्यावर अतिक्रमण करणाऱ्या फेरीवाल्यांविरोधात आक्रमक पवित्र घेतला होता. महापालिकेने कारवाईचे आश्वासन दिल्यानंतर हे आंदोलन मागे घेण्यात आले. मात्र आठवडाभरात स्टेशन परिसरात परिस्थिती जैसे थे तशीच दिसून येत आहे. एखादी घटना घडल्यानंतर किंवा फेरीवाल्याविरोधातील आंदोलनानंतर (KDMC) महापालिकेचे पथक दोन-चार दिवस या फेरीवाल्याविरोधात कारवाई करते. मात्र त्यानंतर पुन्हा जैसे थे परिस्थिती होत असल्याचा दिसून येते. त्यामुळे स्टेशन परिसरातील या फेरीवाल्यांचे मुजोरी काही केल्या कमी होत नसल्याचे चित्र आहे.

फेरीवाल्‍यांची मुजोरी वाढली

रस्त्यांवर, फुटपाथवर अतिक्रमण करणाऱ्या या फेरीवाल्याची आता थेट रस्त्याने चालणाऱ्या नागरिकांना मारहाण करण्यापर्यंत मजल गेली. डोंबिवलीत राहणारे नरेश चव्हाण हे मंगळवारी रात्रीच्या सुमारास स्टेशन परिसरातून पायी घराच्या दिशेने येत होते. याचवेळी त्यांनी एका फेरीवाल्याला सामान बाजूला घ्यायला सांगितले. त्यामुळे फेरीवाल्याने नरेश यांच्याशी वाद घालण्यास सुरू केले. जीतलाल वर्मा व श्रीपाल वर्मा या दोन्ही फेरीवाल्यानी नरेश यांना शिवीगाळ करत लाथाबुक्क्यानी मारहाण केली. इतकेच नव्हे तर लाकडी दांडक्याने देखील मारहाण केले. याप्रकरणी नरेश यांनी डोंबिवली रामनगर पोलीस ठाण्यात तक्रार दाखल केली. या तक्रारीनुसार पोलिसांनी दोन्ही मुजोर फेरीवाल्यांविरोधात गुन्हा दाखल केला आहे.