Chhatrapati Sambhaji Nagar Nandkumar Ghodele Shoes News Saam TV
महाराष्ट्र

Sambhajinagar News: कुत्र्याने पळवला माजी महापौरांचा बूट; CCTV फुटेजवरून घेतला शोध, अखेर कुत्रा सापडला पण बूट...

Nandkumar Ghodele Shoes: छत्रपती संभाजीनगरमध्ये माजी महापौर नंदकुमार घोडेले यांचा १५ हजारांचा बूट त्यांच्या घराच्या दारासमोरून मोकाट कुत्र्याने पळवला.

डॉ. माधव सावरगावे

Chhatrapati Sambhaji Nagar: माजी महापौराचा बूट कुत्र्याने पळवल्यानंतर त्या कुत्र्याला शोधण्यासाठी महानगरपालिकेची यंत्रणा कामाला लागली. हे ऐकून तुम्हाला नवल वाटलं असेल, पण ही घटना छत्रपती संभाजीनगरामध्ये घडली आहे. छत्रपती संभाजीनगरमध्ये माजी महापौर नंदकुमार घोडेले यांचा १५ हजारांचा बूट त्यांच्या घराच्या दारासमोरून मोकाट कुत्र्याने पळवला. (Latest Marathi News)

त्यानंतर महापालिकेची यंत्रणा तो बूट चोरणारा कुत्रा शोधण्याच्या कामाला लागल्याचा प्रकार समोर आला आहे. घरात घुसलेल्या दोन कुत्र्याने बूट पळवल्याचे सीसीटीव्हीमध्ये (CCTV Footage) दिसून आले. सीसीटीव्हीच्या आधारावर कुत्रा पकडणाऱ्या यंत्रणेने तीन कुत्र्यांना पकडलं. पण नेमका बूट कोणत्या कुत्र्याने पळवला, हे मात्र गुलदस्त्यातच राहिलं.

माजी महापौर नंदकुमार घोडेले यांचे इटखेडा (Chhatrapati Sambhajinagar) भागात निवासस्थान आहे. शनिवारी रात्री ते घरी आले. नेहमीप्रमाणे आपला बूट दारासमोर काढला आणि घरात जाऊन झोपी गेले. सकाळी पाहतात तर एक बूट गायब झाला. त्यामुळे शोधाशोध सुरू झाली. सीसीटीव्हीच्या तपासणीनंतर बूट कुत्र्याने नेल्याचे समोर आले.

त्यामुळे घोडेले यांनी महापालिकेच्या पशुसंवर्धन विभागाला फोन करून परिसरात मोकाट श्वान वाढले असून, त्यांचा बंदोबस्त करावा, अशी सूचना करत बूटच श्वानाने नेल्याचे सांगितले. त्यानुसार तातडीने श्वान पकडणारी गाडी इटखेडा भागात आली. त्यांनी मोकाट कुत्र्यांचा शोध घेत तीन कुत्र्यांना पकडले, पण महापौरांचा बूट काही सापडला नाही. या तीनही कुत्र्यांना कोंडवाड्यात पाठविण्यात आले.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Atal Setu : आतापर्यंत १ कोटी ३० लाख वाहनांचा प्रवास, 'अटल सेतू'मुळे सरकारच्या तिजोरीत कोट्यवधींची भर

Digestion Tips: पचनक्रिया मजबूत ठेवण्यासाठी झोपण्यापूर्वी नक्की करा 'हे' उपाय

Bhagavad Gita: भगवद्गीतेचा सहावा अध्याय कोणती शिकवण देतो?

Ahmedabad Student Death: आदल्या दिवशी १०वीच्या मुलीने 'सैयारा' पाहिला; दुसऱ्या दिवशी शाळेच्या चौथ्या मजल्यावरून उडी घेतली

Maharashtra Live News Update: पुढच्या पिढीला माहिती होण्यासाठी कारगिल दिन साजरा केला पाहिजे

SCROLL FOR NEXT