अभिजित घोरमारे

भंडारा: भंडारा जिल्ह्यातील गोबरवाही आरोग्य केंद्रात धक्कादायक प्रकार घडला आहे. आरोग्य अधिकारी डॉक्टर कळस्कर यांनी तेथीलच शिपाई कर्मचारी नारायण उइके यांना काठी व लाथा-बुक्यानी मारहाण केली आहे.

मिळालेल्या माहितीनुसार, ही घटना 22 मार्चची आहे. हा सर्व प्रकार एका व्यक्तीने आपल्या मोबाईलमध्ये कैद केला आहे. तर नारायण यांनी गोबरवाही पोलीस स्टेशन गाठत तक्रार दिली असून आरोपी विरूद्ध ॲट्रॉसिटी अंतर्गत गुन्हा दाखल करण्यात आला आहे.

भंडारा जिल्ह्यातील आदिवासी बहुल समजल्या जाणाऱ्या गोबरवाही आरोग्य केंद्रात आरोग्य अधिकारी सागर कळस्कर यांनी शिपाई नारायण उईके यांना सकाळी 10 वाजता लाथा -बुक्यानी 22 मार्चच्या दिवसी मारहाण केली होती. हा सगळा प्रकार एका व्यक्तीने मोबाईल मध्ये कैद केला आहे. हा प्रकार लक्षात येताच आदिवासी संघटनानी त्या शिपाईला सोबत घेऊन गोबरवाही पोलीस स्टेशन गाठत तक्रार दिली. तर पोलिसांनी प्रकरण चिघळन्या आधी ॲट्रॉसिटी अंतर्गत गुन्हा दाखल केला आहे.

हे देखील पहा-

तर तक्रारदार यांची कुठलीही चूक नसताना डॉक्टरने मारहाण केली असे सांगण्यात येत आहे. एका एमबीबीएस डॉक्टरने असा प्रकरणे मारहाण करणे अशोभनीय आहे. मात्र, शिपाई यांनी दारू पिऊन रुग्णालयात येत असल्याचे कारण सांगितले दिले असले तरी कायदेशीर कारवाई न करता अशा पद्धतीने अमानुष मारहाण करणे एका डॉक्टरला अशोभनीय आहे. त्यामुळे या डॉक्टरवर कडक कारवाही करण्यात यावी अशी मागणी होत आहे.